16 August 2016

காற்றில் வந்த கவிதைகள்!!!

நேசம் கொண்டு
 நெருங்கிவருகின்றேன்
நேற்றைய காற்றுப்போல
நீயோ நெடுநல்வாடை போல
தொலைவில்
நெருங்கம் இல்லாமல்!



----------------------------------------------------------


மதியை(நிலவு)மதிக்கவும் தெரியும்,
மானத்தை காக்கவும் தெரியும்!
மதியிழந்து போவேனோ
மாமியார்வீட்டில்?
மல்லுக்கட்டிய நாட்களை
மறவேன் !
மயிர் நீப்பின்
மரணிக்குமாம் மான்
நானும் மான் போலத்தான்
மதியாதார்வீட்டிற்கு
மிதியாத பாதம் கொண்ட
மருமகன்!





---------------------------------------------

நினைவுகளுக்கு மட்டும்
நினைவில் ஒரு கல்லறை இருக்கும் எனில்
நீங்காத  உன் நினைவுகளையும்
நிச்சயம் அதில் புதைப்பேன்
நீ பிரிந்த அந்த நொடிகளை!



-----------------------------------------------------------------------------


அடுப்படி வெப்பத்திலும்
அனல்போல என் காதல்
அகதி உன்னைத்தேடியே
அலைந்து திரிகின்றது
ஆயுள்ச்சிறையில் என்றாலும்
அணைத்துக்கொள்!
அடுத்த பதிவு எழுத
அயிரம் சிக்கல்[[[
அன்பே தொடர்வேன்!
அகதி இன்னும் வாழ்கின்றேன்!
அடுத்த சாப்பாடு பட்டியல்
அடுக்கடுக்காய் காத்து இருக்கு!!
அட்டவணை போல[[



7 comments :

ஆத்மா said...

ஆஹா வித,,, கவித,,
அண்ணா கவித :)

கரந்தை ஜெயக்குமார் said...

அருமைநண்பரே

‘தளிர்’ சுரேஷ் said...

அருமையான கவிதைகள்!கவிஞர் முத்துக்குமாருக்கு சிறப்பான அஞ்சலி! நன்றி!

KILLERGEE Devakottai said...

இரசித்தேன் நண்பரே

வலிப்போக்கன் said...

அந்த நல்ல மருமகன் வாழ்க!....

super deal said...

அனைவருக்கும் வணக்கம்

புதியதாக உதயமாயிருக்கும் (superdealcoupon.com)நமது தளம் .இந்த தளத்தின் சிறப்பு இந்தியாவில் முதன்மையான ஆன்லைன் ஷாப்பிங் தளம் மற்றும் மொபைல் ரீசார்ஜ் ஆகிய தளத்தில் கொடுக்கப்பட்டுள்ள ஆபர் பற்றிய தகவல்களை உங்களிடம் பகிர்ந்து உங்கள் பணத்தை யும் உங்கள் நேரத்தையும் சேமிப்பதே எங்கள் கொள்கை .

நன்றி

நமது தளத்தை பார்க்க Superdealcoupon

Thulasidharan V Thillaiakathu said...

அருமை தனிமரம்..கவிதை.....பாடல் மிகவும் பிடித்த பாடல்...அழகே அழகே....