31 October 2016

காற்றில் வந்த கவிதைகள்--5

முன்னம் கவிதைகள் இங்கே-http://www.thanimaram.org/2016/10/4.html
/////////////////////////////////////////////////////////////////////


விந்தையான பூமியில்
விரும்பி யாரையும்
வில்லங்கம் செய்வதில்லை!
விட்டுச்செல்ல இது
விதர்ப்ப நாட்டு வேந்தன்
விசிரியும் அல்ல,
விரலுக்கும் வீக்கம் வேண்டும்!
விறலுக்கு இறைப்பதா ?
விலையில்லா அன்புக்கு
வீசுவதா என்ற
விளிப்பு வரும் போது!
விடைபெற்றுச்செல்கின்றனர்
விடுதலை விரும்பிகள்!
                                       


////////////////////////////////////////////////////////////////////////////////////
தவறுகள் பல தவிர்க்க நினைக்கின்றேன்
தவறியும் நிந்திக்கும் மனம்
தந்துவிடாதே தாயுமானவர் போல
தரணி ஆளும்
தன்நம்பிக்கை போதும்!
தறுதலை என்று
தற்பெருமை பேசுவோருக்கு
தக்கபாடம் புகட்டும் வரம்
தந்துவிடு எம்பிரானே!




///////////////////////////////////////////////////////////////////////////////////////

வார்த்தைகள் கொண்டு
வளரும் பயிர்களை
வஞ்சிக்கத்தெரியும்!
வழிகாட்டும் பலருக்கு! எனினும்
வாழ்க்கையில்  முன்னேற
வருவோரையும்
வஞ்சிக்காமல், வளமான
வாழ்க்கையைக் காட்டுவோம்!
வாருங்கள் சேர்ந்தே
வலைபிடிப்போம்
வரும்காலம் நமது என்றே!/



/////////////////////////////////////////////////////////

வேதனையிலும் சிரிக்கும் வரம்
வேண்டி நிற்கின்றேன்
வேந்தனிடம் !
வேஷம் போடும் உலகில்
வேறு ஏதும் வேண்டிலேன்!


//////////////////////////////////////////////////////////////////////////////////////////////////////
யாசகமும், யாசிப்பும்
யாருமில்லை என்ற
யாக்கையின் பிரதிபலிப்பல்ல!
யாதவன் மீதான
யாருக்கும் வாய்க்காத
யன்னலோர  தவம் அன்பே!
யான் பெற்ற இந்த நேசம்!
யாதுமற்ற எதிலி என்று
யாருமில்லை இந்த காதலில்!

/////////////////////////////////////////////////////////
அகதியின் ஆசைகள் பல
அன்பே !
ஆனாலும் அசைபோடும்
ஆனந்த நினைவுகள் 
அகல்விளக்கு போல சில
அதில் நீ ஒரு
ஆனந்தப்பூங்காற்று!
ஆனந்தம் படம் சினேஹா போல  சிரிபில்
ஆயிரம் நீ தான்
அழியாத கோலம்  என் நெஞ்சில்!



  (யாவும் கற்பனையே)

10 comments :

கரந்தை ஜெயக்குமார் said...

வேதனையிலும் சிரிக்கும் வரம்
வேண்டி நிற்கின்றேன்

அருமை நண்பரே

putthan said...

என்ன கவிஞரே சினேகாவின் சிரிப்பில் அப்படியே சொக்கி போனீர்கள் போல கிடக்கு

‘தளிர்’ சுரேஷ் said...

அருமை! வாழ்த்துகக்ள் நண்பரே!

Jeevalingam Yarlpavanan Kasirajalingam said...

அடிக்கடி அசைபோட வைக்கும்
அருமையான வரிகள்
தொடருங்கள்

KILLERGEE Devakottai said...

ஒற்றை எழுத்தை வைத்துக்கொண்டு கவிதை படைப்பது அருமை நண்பரே வாழ்த்துகள்

நிஷா said...

ஒற்றை எழுத்தை வைத்து ஓராயிரம் வலிகளை சொல்லிச்சென்ற விதம் அருமை!

சிவகுமாரன் said...

ஒற்றை எழுத்தில் விரியும் ஒருநூறு சிந்தனைகள். இன்னும் சிந்தித்துக் கொண்டிருக்கிறேன் உட்பொருள் தன்னை.

வலிப்போக்கன் said...

விலையில்லா அன்புக்கும் விலை வைத்த நாடு இது...

வலிப்போக்கன் said...

தம்2

Bagawanjee KA said...

துன்பம் வரும் வேளையிலே சிரிங்க என்ற வள்ளுவரின் வாக்கை கடைப் பிடிக்க ஆரம்பித்து விட்டீர்களே :)